جيت المدينة بعد ما طفت بالبيت |
نسيت همي يوم جيت المدينة |
في مسجد المختار من يوم صليت |
حسيت في راحة ضمير وسكينة |
بربوع طيبة يوم دجت وتمشيت |
نسيت لوعات الحياة الحزينة |
طيبة تشتت هم الايام تشتيت |
تزيل عن قلب الحزين الغبينة |
لا واهني اللي بطيبة ملك بيت |
يرى الحرم والنور قدام عينه |
مريتها ساعات لكن تسليت |
وقلبي لها يزداد دايم حنينه |
يا ليتني جلست فيها ولا جيت |
حتى خروج الروح يحين حينه |
فيها ضريح مثبت الدين تثبيت |
وديع دين الله برضه وامينه |
وايضاً بها اصحابه هل المجد والصيت |
عباد رب الناس وانصار دينه |
لو ينفع الإنسان يا قال يا ليت |
أقول ليت المجد ترجع سنينه |
مجد الذي قد شيعو بالتوابيت |
للدين صارو كالحصون الحصينة |
يالله يا عالم بما اخفيت وابديت |
يا اللي جميع انسان تعلم كنينه |
لك ابتهالي كل ما أصبحت وامسيت |
من قلب مؤمن فيك راسخ يقينه |
وادعوك تكفينا شرور الطواغيت |
اللي نواياهم على الدين شينه |
سلامة محارب اللعاق |
|
