طاب القصيد لكل شاعر وقصّاد |
بقدوم من يضفي علينا كمومه |
تباشرت بقدومه وجيه الأجواد |
الشعب كلّه والوطن والحكومه |
وقام الفرح بقدم سلطان يزداد |
وحتى السماء قامت ترادم غيومه |
وهاذي عوايد سيدي كل ما عاد |
يعيد باللي نفقده مع قدومه |
نوٍ نشا من يمة الغرب وانقاد |
وجتنا قبل تمطر ثعوله علومه |
وتباشروا بقدومه الحضر والباد |
رحمه وترجيها القلوب الرحومه |
غلاه وسط قلوبنا فاق الأعداد |
ونرجي من الله يومنا قبل يومه |
شعبه على خيره من الخير معتاد |
كلٍ تجيه من المكارم قسومه |
ويدعون له من بآخر الليل سجاد |
باسم الولي ودعاهم الله يدومه |
وأنا من اللي طالهم خير وامداد |
وجميع ما عندي عليها وسومه |
عسى حياته كلها أفراح وأعياد |
وأفراحنا وأعيادنا مع قدومه |
محمد بن خربوش العتيبي |
|
