الشعراء.. ومن خلال تجاربهم في ميادين الحياة يلخصون هذه التجارب في وصايا لأجيالهم ويصوغونها في قصائد معبرة يحثون فيها أبناءهم على تقوى الله والوفاء بحقوق الوالدين واكرام الضيف وحسن الجوار والصبر عند الشدائد والوفاء بحقوق الخوي والحفاظ على المرجلة والاتسام بالشهامة والرجولة.. والبعد عن الصفات الذميمة.. فمن وصايا الشعراء لابنائهم نختار هذه المقتطفات:- |
يقول الشاعر الكبير مرشد سعد البذال يوصي ابنه عبيد: |
يا عبيد انا أبوصيك مني بثنتين |
ثنتين هن شر البشر وحسناته |
اوصيك لا تبحث سدود المغيبين |
لا تجهر اللي غارقٍ بغفلاته |
ترى النميميه تمحق الرزق والدين |
والمنزل العالي تهد اطبقاته |
لاتحسبن اهل الظليمه بخيتين |
كلٍ يوافق ماعمل في وفاته |
وانذرك عن حق الضعيف المسيكين |
اللي على حقه تهل عبراته |
ترى الضعيف ليا غدا الليل ليلين |
يدعي وعند الله توافق دعاته |
أما الشاعر أبو زويد السنجاري الشمري فيقول يوصي ابنه:- |
دخيل اخذ من والدك لك مساله |
مسالةٍ مايفهمه كل رجال |
احشم خويك عن دروب الرزاله |
ترى الخوي عند الاجاويد له حال |
والمرجله بالك ترخي حباله |
وبالك تعيل ولا تريخم لمن عال |
الشاعر الكبير محمد بن شلاح المطيري يوصي ابنه بقوله:- |
اوصيك يا ماجد ترى الموت غدار |
ما انته بعارف ساعة الارتحالي |
ولاعمر جاء للموت منذر وسبار |
ولا اعمره اعطي للمسافر مهالي |
ولاحدٍ زرع من بعد قصاف الاعمار |
ياكود شيٍ تزرعه هالليالي |
فاذا فعلت الذنب للذنب غفار |
استغفر الله واجتهد بالسوالي |
وخلك على غرات الاجواد ستار |
واحفظ لسانك دام فيك احتمالي |
كم كلمةٍ توردك مارد هل النار |
ولالك ورا مصدارها راس مالي |
واصحى ترى عانيك مامنه معذار |
اول مايطلب من طرفك القبالي |
واصحى ترده خايبٍ بعد مازار |
ابذل له المهجود في كل حالي |
الشاعر أحمد بن رفاده يوصي ابنه على بقوله: |
يا علي كانك تظم الوصايه |
ضم الوصاه اللي تسمع من أبوك |
ان امهلت فيك الليالي ورايه |
رحب باهل عوص النضا كل ماجوك |
والشايب اللي ماضي له حكايه |
ياعلي كبر واجبه كنه أبوك |
وإلى اللقاء مع موضوع آخر،، |
زهران عون الله المطيري - بريدة |
|
