تغير كل وضعك يالغضي ماهو على ما كان

تغير ودك الأول وصار الضد هجراني

دخل بيني وبينك عالم تبني على الهجران

تحط الشوك في دربي وتبعدني وتنحاني

ترى ودك بقلبي ما يشيله كاينن ما كان

ولا والله يغير ما بقلبي كل صدقاني

ترى ودك بقلبي ثابت مدعوم بالأركان

ولا شيء يشيله لو يجيه السيل طوفاني

الا يا زين قلبي صاير كنه هدف نيشان

يجيه الحذف من كل الوجوه أوصار نيشاني

ظروفن غيرت وضع المغني ناصر المرسان

اباساير ظروف الوقت كان الوقت خلاني

ترى كان ان لي عند موده بين البرهان

ابي منك البيان بما تقوله يا كحيلاني

ترى هرج السعه ما هوب يسقي واحدن عطشان

كملي راح يركض لسراب وبات عطشاني

صخيف الروح ما والله هجوتك بالخلا فسقان

ولكني اعبر عن هواء قلبي وجداني

الا يمل عينن مالها بالود غير فلان

تريد افلان مير افلان عنها الناس تنحاني

عزيز ومن معزت خاطره نصبر على الهجران

ابصبر لين يغطيني صخيف الروح برهاني

ناصر عبد الله المريس

صفحة الجزيرة الرئيسية

الصفحة الرئيسية

رأي الجزيرة