يا عيني اللي سهرها ما يفارقها |
ما ترقد الليل يوم الناس نامو به |
سهران واجمع همومي وافرقها |
واقول نفسي عسى ماهيب مذنوبة |
من سبة الجادل اللي طال عاتقها |
اللي بيدها فوادي صار لعبوبة |
أي والله أحبها من قلب وأعشقها |
عذراً بها الزين مزيونة ورعبوبة |
تذبح بخرسٍ تقول النوم سارقها |
خرسٍ عليها سهوم الموت منصوبة |
والشعر ناعم على الغره يضايقها |
يلعب به الريح فوق المتن ويلوبه |
ايه أتوجد وهم النفس محرقها |
صابر وقلب الشقا ماتم مطلوبه |
كبدي عليلة وسهم الحب خارقها |
يا ليتني ما عرفت الحب ودروبه |
هذا اعترافي وافاداتي وصدقها |
لولا غرامك تركت الحب ودروبه |
عبدالعزيز عبدالله المرشدي |
|
