هذه المحاورة بين شاعرينا الكبيرين صياف بن عواد السحيمي رحمه الله وشليويح بن شلاح المطيري. |
|
يا شليويح خذ مني كلام مصفى |
وان بغيت الحقيفه فيه ما يسر الله |
كشفت الحره اللي كنت فيها تخفى |
واصبحت سهلت المطلاع والحمد لله |
|
رمش عيني على الغيّاب ما ساع رفا |
يا عسى الله يحيكم على دبرة الله |
امش مع درب منقي يالبعير المعفى |
يا عسى الله يديم الامن والدايم الله |
|
ادخل البيت عن برد الشمال وتدفا |
والبس حرام وادخل فالحرم واطلب الله |
نزهم الطريقي اللي ذيك الايام قفا |
مار قدام يسمع صوتنا جابه الله |
|
لابس بشت ضافي وانت بشتك مضفى |
ما رحمتك لكنك جيت في رحمة الله |
خيلت وامطرت والوبل ما ساع كفا |
وانت يا جارنا عساك في جيرة الله |
|
ساع ما بان نورك يالسراج المطفا |
ثم نوّرت للاجواد مع قدرة الله |
ما تحركت من بحر عليك يتكفا |
لين شبّت عليك النار والعالم الله |
|
كنت مرتاح عن كل الدعاوي مكفا |
مار ابا شيل سيفي واتوكل على الله |
|
زهران عون الله المطيري- بريدة |
|
|
