ما دام ما يفرق أجي لك أو اروح |
أسلم وسلم لي على ماضي راح |
ابا ابتعد عنك وما صار مدموح |
مع التناسي يا عسى الهم ينزاح |
أحسب رجوعي لك مثل رجعة الروح |
اثر الحزن عندك تساوى والأفراح |
مسموح يا اغلى من على الارض مسموح |
عساك بعد فراقي اليوم ترتاح |
الصمت يذبح وابلغ الحزن فالبوح |
والجرح يبرى لا كثر حوله جراح |
وانته جرحت الجرح.. والحقته جروح |
والدم ساح ومعه كل الغلا ساح |
توي فهمت اسباب ما صار بوضوح |
مع ان عطرك من شهر.. كان فواح |
فهد الغنامي |
|
