أسعد خبر جانا بنشرات الأخبار |
ذكره نزل كا لغيث وأحيا ملايين |
وتباشروا به كل سكان الأقطار |
وصارت لنا الفرحه شعار وعناوين |
يوم إن سلطان العطا.. نسل الأحرار |
الواهب.. النادر ملاذ الضعيفين |
شافاه ربي.. وانجلت عنه الأخطار |
وتبدلت حاله من العسر للين |
وطلع من المشفى بلا هم وأكدار |
واسترّ أبو خالد طليق الحجاجين |
سلطان لامن ضاق.. ضقنا.. ونحتار |
سلطان كنه بالغلا بؤبؤ العين |
سلطان للعالم مثل وبل الأمطار |
تحيا به نفوس ٍ توفت من سنين |
سلطان عند الفقر صفارة إنذار |
سلطان قصر الجود يمشي برجلين |
سلطان حيد.. ولا وقف سيف بتار |
سلطان واحد.. ما يجي مثله اثنين |
هيبه.. شموخ.. وعز.. حشمه.. ومقدار |
سلطان يفدونه ملوك وسلاطين |
يالله.. ياعالم خفيات الأسرار |
تحفظ لنا سلطان عزه وتمكين |
وتاقاه من غدر الليالي والأقدار |
آمين.. ردوها معي.. قولوا آمين |
محمد سليمان الضالع |
القصيم - بريدة |
|
