ابتدى صيت القوافي يوم غنت واسفهلت |
في سموك يا ولي العهد سلطان الرجوله |
سيدي يا سيدي يا سيدي عقبك تجلت |
الغيوم اللي نترقب بالسما لحظة هطوله |
غيبتك يا سيدي طالت علينا لين علت |
قلب شعبٍ يرتجي جيتك يترقب حلوله |
يا ذرا صلف الهبوب ويا زلالٍ منه بلت |
الرجال صدورها من ضيم وقته وزبنوله |
يا ظلالٍ عن لهيب الشمس لا منه تعلت |
ويا ربيعٍ تنتعش فيك الأراضي عن محوله |
أنت سقمٍ للمعادي لابدا وقام يتفلت |
وانت ريفٍ للصديق إن زاد وقته في ميوله |
وانت ملجى لليتيم اللي بكت عينه وهلت |
وانت خيرٍ للضعاف اللي من العسر معلوله |
وأنت نجمٍ لظلمت كل العرب فيه استدلت |
وانت رمزٍ للمحبة وانت احساسيس البطوله |
تدري وش صار بديارك من غيابك يوم ملت |
وتدري وش هو شعور شعبك من غيابٍ زاد طوله |
والله أن الدار عقبك في حدادٍ ما تحلت |
ووالله أن الشعب بالدوله وفاقد حيل دوله |
القصيده يا سمو المجد فيك اليوم هلت |
والقوافي يا أمير الجود تتباها بزوله |
والعذر منك العذر بأن كان قصرت يوم طلت |
لأن حبك صعب يحصى داخل أبياتٍ نقوله |
محمد بن بندر بن طواله |
|
