|
الشاعر الكبير عبدالله بن نايف بن عون الرويس العتيبي، شاعر ذاع صيته في أنحاء الجزيرة العربية، يتسم شعره بالقوة والجزالة والعذوبة، شاعر دقيق الوصف عميق العبارة واسع الخيال، فأتت تجربته الشعرية تحمل رؤيته للواقع بعقل وبصيرة وحنكة وحكمة، نظم في مختلف فنون وأغراض الشعر الشعبي، وله العديد من القصائد في الفخر والمدح والرثاء والغزل والوصف، ويتميز شعره بقوة التعبير وجزالة اللفظ ومن منا لم يسمع بهذه القصيدة التي تعتبر من أشهر قصائده:
|
يامل قلب يسج وفيه دولاجه |
من هاجسٍ بالضماير قام يدرجها |
في معزل عن جميع الخلق وازعاجه |
ما اسمع من الناس لو تكثر لجالجها |
|
يامل عين يعلّ الجيب ذارفها |
اربع وعشرين ساعه تهجل اهجالي |
والنوم يا دحيم عايفته وعايفها |
دارت سنتها على سهر وتملالي |
مدري على النوم عيني وش مكلفها |
للسهر في نونها ممسى ومقيالي |
واللي جعل نوم عيني ما يوالفها |
واهج لهيب الغرام اللي برى حالي |
واحالي اللي طهوم الشوق ناحفها |
ما باق الا عظام جسمها بالي |
عليك ياللي غلاك الروح متلفها |
ياللي محلك بوسط القلب نزالي |
غلاك نفسي عن الخفرات صارفها |
لو يجمعن لي من اولهن الى التالي |
لك سيرة بالمحبه ما اقدر اخلفها |
لو هي سبايب سهر عيني وغربالي |
ومن قصيدة أخرى أختار لكم:
|
يا راعي الغر العذاب المباهيش |
رش الكبود اليابسه عن عطشها |
دنق علي وطمن الراس بشويش |
واحي العروق الذابله وانتعشها |
حبك ينهش ثومة القلب تنهيش |
نهش الحنيش لعرش رجل نهشها |
واهل الهواء في سجن غيك دروايش |
وقلوبهم وجلانه من دهشها |
من ذاق من خمر السوالف بخاشيش |
يبطي وروحه معتلقها بلشها |
ولا تستمع في هل الحكا والوشاويش |
ناس انقيلي الناميم دبشها |
يا خشف يم ذار واوحي شوابيش |
بدواً طلوع الشمس ذاره وغشها |
والعين عين اللي جسر عقب توحيش |
امير بيتي الحرار اوحشها |
وهذه الأبيات من قصيدة له قالها في المقناص:
|
يا ماحلا لا ذعذعن الهفاهيف |
وقامت تناقرنا هبوب الصفاري |
وهب البراد ودوحت شوبة الصيف |
واوحيت للمقناص والطير طاري |
واللي يبي شمة هبوب الشفاشيف |
قام يتنبى للبيان الوزاري |
يدلى على حزم الجلاميد وطريف |
خطايطا فيها عواين حباري |
بعض العرب وده ولو جاه تكليف |
يسري ويصبح يم هاك المحاري |
وله هذه القصيدة التي تميزت بدقة الوصف وحس الرصف وعمق المعنى:
|
الله من قلب رمع فيه رماع |
واخلف يمومه عن طريق التسانيع |
هجس رمع ماله عن القلب فراع |
عليه غاراته تشن المفازيع |
يشري بقلبي كل ليلا ويبتاع |
وله الجوارح خضعات مطاويع |
مركز غرامه بين محني الاضلاع |
لا ناموا العربان سواء مشاريع |
أسباب ورق بالتغاريد سجاع |
ورق على هاك الغصون المهانيع |
يا ورق كف اغناك مال الطرب داع |
يا شين مالك في عذابي منافيع |
ان شفت من قلبه جزوع ومولاع |
على النياحه لا توريه تشجيع |
هوليه يوم تروجع الصوت ورجاع |
قصدك تزيد مولع القلب توليع |
اسهرت عيني والمخاليق هجاع |
وذكرتني خل بعيد المرابيع |
راعي جديلاً فوق متنه الى انداع |
كأنه شليل اللي تتل المصاريع |
|
