أهدي هذه المقطوعة إلى ابني رامي وكل من هو في سن رامي
|
اليوم مني مفرق الراس شيّب |
وقامت سنين العمر (يحرج) عددها |
يمرّني طيف الهوى واتهيّب |
ومن لا صدق في نقد ذاته عبدها |
عمر الفتى محدود. وأجله قريّب |
يطاول الدنيا وهو تحت يدها |
يا رامي. احفظ حكمةٍ في كتيّب |
عدة نقاط. وكل نقطه وحدها |
وانا أدري إنك طفل توّك حبيّب |
لكن أخذ من بعض الأشياء عمدها |
خلك محصّن فأنتمانك وثيّب |
الدين روحك. و(العروبه) جسدها |
واحذر توافق فالوطن كل خيّب |
ناسٍ مباديها تخالف بلدها |
وفي واجبك مع لابتك لا تغيّب |
من جاد فيها اليوم. بكره وجدها |
وإن شفت لك حبلٍ حدر له شعيّب |
أنظر لمن روس الشوامخ صعدها |
وإن خذت عذراء خلّها (بنت طيّب) |
حتى يجي لك مثل أبوها ولدها |
وخلّك مثقّف فكر. والراي صيّب |
ترض الغبي. والداهيه منه وأدها |
كِبرك على الناس البساطا يعيّب |
وتواضعك لاهل التكبّر بعدها |
وأحذر من إهمال العمل والتسيّب |
نظّم حياتك. وأمتثل في وعدها |
وحقيقة الدنيا تراها تريّب |
لاجت لشخصٍ غيره أحدٍ فقدها |
خالد البقمي |
|
