من المجتمع لاحظت بعض الشرايح |
اللي تظن ان السفر فيه راحه |
لا لاح نجم الصيف للكل رايح |
ناس مرضهم ما تضمد اجراحه |
تشوفهم ما بين قائم وطايح |
وكلافة ما من وراها رباحه |
بعض السفر فيه السهر والفضايح |
يا ضايعين مع الزمن واجتياحه |
المملكة من فوقها الخير لايح |
الخير فيها والمساعي مباحه |
والمملكة يفخر بها كل سايح |
طوّر معالمها وزير السياحه |
سلطان بن سلمان للمجد شايح |
الكل سائح ساعي لارتياحه |
ياللي على نفسك تصرفك جايح |
تلقى لصدرك في بلدك انشراحه |
لعل تسقيه المزون الروايح |
وعسى الأمن يضفي علينا اجناحه |
محمد بن زبن بن شالح |
|
