تبشري يا ديرة الخيل والسيف |
وديرة كتاب الله وسنّة نبيّه |
وتبشروا يا أهل النخيل المهانيف |
وتبشروا يا سايقين المطيّه |
وتبشري يا أم اليتامى الملاهيف |
بقدوم سلطان الكريم وخويّه |
سلطان أبونا اللي مثل زامي القيف |
ركنه شديد وللعرب فيه فيّه |
ثلثين من أمة محمد بتعريف |
له الدعاء منهم وفاء وجزيّه |
هو الربيع وغيره يقال له صيف |
وهو شعار الفعل والعسكريّه |
وهو مثال الجود من غير تزييف |
من غير قاصر فالنفوس السخيّة |
ما خبر جوده عند يعرب ولا شيف |
من دولته للدولة الفاطميه |
عليه عطرات التحايا مراديف |
وعليه جزلات المدايح نويه |
ولا أنسى الأمير اللي بعيدٍ عن الحيف |
اللي بدت فيه الامارة سجيّه |
أبو فهد وإن جيت أباصف على الكيف |
أقول مثلٍ لبوه ولديّه |
له بسطةٍ فالعلم والجسم له نيف |
وحدة ذكاء وسطوةٍ فيصليّه |
كنه ليا شاف القوي ياكل ضعيف |
ليثٍ حدوم وعاديٍ له عديّه |
سعود حسن العريفي |
|
