يا دار جعل غيوم حزنك تعداك |
ويعود عزك مثل ما كان خابرك |
يا دار أشوف النوم له وقت ما جاك |
وشوقك لابو خالد من شهور مسهرك |
تكفير حب الله يحفظك ويرعاك |
طهور وانت اللي سقى الكل ماطرك |
الله يبو خالد من السو ياقاك |
والله من اسباب المتاعب يطهرك |
والله لولا المملكه كان جيناك |
الارض نطويها على شان خاطرك |
في نشرة الاخبار بس نتحراك |
وعلى الجرايد كل يقبل صورك |
الله عطانا حبك وجاد واعطاك |
شعب ملا شبه الجزيره يقدرك |
في كل شارع صورتك ما نسيناك |
وفي كل بيت بخير يا امير نذكرك |
متى على الله ترجع بخير لحماك |
وتسر عين اللي تمنى مناظرك |
ارواحنا في الشرق الاوسط من فداك |
وقلوبنا تنبض معك في نيويورك |
عبدالله بن عميره |
|
