يا الله يا اللي رافع سبعٍ شداد بلا عماد |
يا واحدٍ بمره يدير الكون ما يعلى عليه |
يا مشفي أيوب النبي وانطقت عيسى بالمهاد |
الواحد المعبود قادر والخلايق ترتجيه |
تديم صحة سيدي وانك ترده للبلاد |
ويشوف فرحة شعبه اللي له تلوح له يديه |
لان شوفه عندنا اكبر من فرح يوم العياد |
واكبر من أيام العياد وما يليه وما يليه |
الله يلبسك الشفاء وتعيش ويامك جداد |
ويطول في عمرك يا بوخالد على أحسن ما تبيه |
يا سيدي يابو اليتامى لو نطق حتى الجماد |
قال انت ابو للجود والطفل اليتيم الا انت ابيه |
يا بو المكارم بالرخاء وإلا بالأيام الشداد |
الطيب منك وفيك وانت الطيب سيدي معتليه |
يا سيدي سلطان حبك في عروق الدم ساد |
يمر قلبي بالثواني كل ما ضخ احتريه |
مير الوكاد العين ما تهنا بلذات الرقاد |
الا بشوفة سيدي سلطان واقبّل يديه |
وختامها صلوا على محمد شفيع للعباد |
آخر رسول آخر نبي وخالقه صلَّى عليه |
منصور بن دغيم بن رديفان الديحاني |
|
