يا العين لا تبدين للناس الأسرار |
الله على كتم السراير يعينك |
ويا دار وين اللي يصلون الأسحار |
اللي بركعات الضحى عامرينك |
ما ضيعوا سنّة ولا عاتبوا جار |
تمسكو بأحكام حقك ودينك |
راحوا وحنا اللي بقينا على الدار |
ولا بدنا مع دربهم هاجرينك |
العمر له تحديد ساعة ومقدار |
وين الذي قدامنا عامرينك |
الدايم الله والمنايا بالاعمار |
وأهل العقول الثابتة عارفينك |
وين الذي يأخذ من الوضع تعبار |
ويحسب لفجعاتك وهجمة كمينك |
يالفانيه جندك للأجداث عبار |
الله يكافينا مصايب سنين |
بدر الحويفي |
|
