يا محمد ولد نايف طويل الشبور |
نحمد اللي حماك وكلنا في حماه |
أنت ماجور منها والعدو معثور |
قالها خادم البيتين لا فض فاه |
أنت حارس وهو خائن وخب غدور |
الله أنجاك من شره وما جاه جاه |
يا طويل العمر عدتك كل الشرور |
والردي راح والله لا يطيب ثراه |
راعي السوء سوه فوق راسه يدور |
ما رميناه والله جل شأنه رماه |
جاء يشيل الخيانة والغدر والفجور |
يدعي بالتقا والشر داخل رداه |
بالردى والحسد والحقد جاك محشور |
ونشكر الله ثارت بندقة في خباه |
يا الخوارج ترانا شوكة في النحور |
حبكم طاحنينه يوم دارت رحاه |
جعلكم في ثبور وعلمكم في دبور |
ويخسا كل طامع ويخسا من وراه |
والله أنا عليكم مثل سيل حدور |
كلما مر وادي شال حتى حصاه |
والله إنا عليكم ليل ما فيه نور |
ليلٍ أسود سواده يفجع اللي سراه |
والله إن الصدور تفوح فوح القدور |
والعدو والله إناداه وإنادوه |
والله إنا عن الديرة دروع وجسور |
الوطن كلبونا كلبونا فداه |
كلبونا جسد واحد ودم وشعور |
وشورنا يا الخوارج ما شقرتو عصاه |
وكلبونا ليا نادى المنادي حضور |
ومن تخلف عسى الله لا يطول بقاه |
يا وسيع الصدر ذولا خباث الصدور |
ما لهم غير سيفٍ حد يلمع شباه |
الوفاء عندهم بالعكس صاير قصور |
خاينين العهود مطاوعين الوشاه |
لأن حلمك كبير وفوق حلمك صبور |
بالسلامة جزاك وبالفضيحة جزاه |
يا ولد نايف محمد طويل الشبور |
شاعر وعسكري يعلن بقافه ولاه |
خويتم سعد بن وحيد الحارثي |
وزارة الداخلية |
|
