يا قلب مالك بالزمن ل.. قشر صديق ولا عشير |
ما دام تخلص والأوادم تتقلب نياتها |
اللي مضى عكس الرضا واللي بعد مقبل خطير |
الله يستر من قشر بقعا ومن صكاتها |
من يعتبر ياخذ عبر ف.. الوقت ل.. ول والأخير |
أهل الغلط لو تتعظ ما كررت غلطاتها |
المال ما عمّر غني والفقر ما يذبح فقير |
والناس لو تقصر يديها ما قصرت شرهاتها |
وش خانة الشرهه على حيّ وهو ميت ضمير |
اللي عديمين الضماير يشبهون أمواتها |
ناسٍ على درب الملام يقودها سلك الحرير |
تتبع طمان نفوسها لو نزلت سلماتها |
يمشون عميان البصيره ما يقديهم بصير |
اللي تدق صدورها واللي تجر أصواتها |
حاول تجنب دربهم في بعدهم خيره وخير |
ويبين لك غيض النفوس تتكشف غاياتها |
إن كنت ناقص معرفة ما هوب عيب تستشير |
العيب لو بعض البشر تضحك على ساداتها |
ميّز بعقلك وانتبه وحسب حساب اللي يصير |
ولصحاب تعرف من معادنها ومن وقفاتها |
الصبر مفتاح الفرج والغيب في علم القدير |
واللي تخفيه الدقايق تظهره ساعاتها |
زابن الدوسري |
|
