يا زين وشفيك ما ترحم ولا تاوي

يا ليتني ما عرفتك وانت يا ليتك

جرحتني مير ليتك تقدر اتداوي

انا لوني جرحتك كان داويتك

جيتك وانا أميز السارح من الضاوي

وعودت ما عاد أميز بعد ما جيتك

دخلتني عالم النسيان يا تاوي

بلهجر في عالم النسيان ونسيتك

انا الدري ان الدلع يا زين شرقاوي

والزين نجدي يا زينك لو تمنيتك

من دونك الديرة إلى ذيبها عاوي

لولا العرب يا حبيبي كان مريتك

على ما قال ابن شايق ما هو بغاوي

حبيتني يا حبيبي لين حبيتك

يا ورد يا مسك يا كمبود يا جاوي

يا زين ريحك وانا ما بعد شميتك

أنا تراني عشانك محترف هاوي

يا ليتني ما عرفتك وانت يا ليتك