بسمي وبسم الشيخ و اسم القبيلة

أرفع تهاني للملك والحكومة

واهني أصحاب السمو والفضيلة

واهني الشعب السعودي بيومه

يوم الوطن ذكرى علينا جميله

محفوظة بقلوبنا ومختومه

نهار أبو تركي وربعه وجيله

أنهى التشتت والحقد والخصومه

وحد شتات المملكة بالفتيله

والسيف والخنجر وزانت علومه

حتى غدت مثل الفرس تنحني له

أخطامها بيده وقامت ترومه

وبعده عياله كملوا ما بقي له

يمشو على دربه وموضع قدومه

سعود ثم فيصل وخالد مثيله

وفهد وبومتعب يطبق سلومه

وسلطان لا ثقل الحمل يرتكيله

دون الوطن والشعب راسه يسومه

ونايف ترا وقفات نايف جزيله

صديق صدقانه ومفني خصومه

وسلمان سم وسلم شوره دليله

واللي وصل سلمان ينسى همومه

من شجرة خضرا غصونه ظليله

في ظلها نلقى الدفا والنعومه

وصلاة ربي عد منشا مخيله

ما هل مزنه والبرد من غيومه