مرحبا يا ضيفي اللي جيت وجروحك عرايا
زارني طيفك حبيبي والليالي سرمدية
يابعد عمر القصيد ويا بعد نبض الحنايا
ما خطر في بالك البارح خطر قبلك عليه
من شعرت إنك بدايه رحلتي وآخر مدايا
ارتويتك عشق فاضت به عيون المهمهيه
لا تظن إني بدونك عايشه قمة هنايا
يعلم الله لا تذكرتك تزيد جروح فيه
ولا تذكرت الزمان اللي شهد حبك معايا
هلت دموعي وقامت تصفق بحسره يديه
يوم انا وياك مثل الشمس بعيون البرايا
واثقين في أحاسيس ومشاعرنا النديه
وكنت أنا وياك نظهر باللقا طيب النوايا
والسوالف لا طلعت منا تغار الابجديه
ولو تناسى طيفك اللي زارني كله مزايا
يكفي انه حس بأشواق الوجود النرجسيه
ويا هلا ياضيفي اللي جيت وطعونك هدايا
زارني طيفك بنومي واحظنت دمعي يديه
الوجود
