الجزيرة - الرياض:

موطن طفولتك لا شيبت ثم جيته

كنك عن الدار تسأل روس أباينها

ترجع بك الذاكرة للي تعديته

تنسى كثير الليال وتذكر ازينها

خص إليا من راس الرجم عديته

وسقت النظر من يسار الدار لايمنها

عديت راس النبا والشوف مديته

على ديار قديم الوقت نسكنها

خشيت في جو مدري كيف خشيته

سلط على الخشة اللي عرض ما أزينها

قمت أذكر الشي وأنسى وقت ما جيته

وأراجع الذاكرة وابحث مخازنها

ويطري عليه نهاري وين مضيته

والحاجة اللي بها لموقع مزينها

هذا حسب ما تصورت وتوريته

كل بيوته على كيفه يدونها

ويا ماض الأيام تال العمر مليته

كل الدعاوي ما باقي غير أماكنها