تعال.. ودي اعترف لك بحاجه
وابيك تاخذها على محمل الطيب
اللي يتعامل بالغلا من مزاجه
يفشل ولو يتبع جميع الاساليب
والساري اللي ما يداري سراجه
اكيد ضوّه لا اظلم الليل بتغيب
ولو كل ضيق يدل درب انفراجه
كان امن الراعي لشاته مع الذيب
والحب دربه غير درب السماجه
والعيب ف اهل العيب ما ينحسب عيب
وحبك وصل عندي لعمق الزجاجه
حبك هو اللي طلع فراسي الشيب
احترت في صفوه وطرت بعجاجه
ومعاد احس انه يودي ولا يجيب
ولو قلت ابسكت.. ب اعتبرها سذاجه
وشلون ابرضى الحب يصبح أكاذيب
والوضع صعبٍ بس سهل علاجه
خل المزاج وخل عنك الالاعيب
الشاعرة - تذكار الخثلان
