الحزم والعزم معكم يبن أخو نوره
والجود والطيب في كفيك تجمعها
يالقايد الفذ لك بقلوبنا صوره
في عالي صدورنا بالفخر نرفعها
الحب لك يبو متعب عاليه دوره
وخطوتك لامن أمرت الكل يتبعها
يا حاكم المملكه والشور هو شوره
قلبك كبر بون هالدنيا وتوابعها
شعبك يحبك ويبذل روح مقدوره
لعيون حبك لكم تصغي مسامعها
سلطان يمناك ساس الطيب وبحوره
مكارمه تشهد الأمه روايعها
ونايف مواقفه عند الكل مشهوره
الطيب ينبع قراحه من منابعها
محبة الشعب لك بالود ممهوره
يالقايد اللي بدا الطولات وابدعها
الشاعر: عبد العزيز بن محمد الحمد
