هذه القصيدة قيلت في الشيخ فيحان بن تركي ابن ربيعان -حفظه الله- بعد أن أنقذ شاباً من القصاص ودفع أكثر من عشرة ملايين ريال.

عسى الله يطول عمر من يفعل المعروف

خذا في فعول الطيب شهره على الزيني

خذا الطيب أبو نايف والطيب له ما صوف

خذا المدح والنوماس وسط الدواويني

قمرنا اليا من صار جو السماء مكسوف

يعيشون من فضله رجال (ن) عزيزيني

غدا شيك ربعه كل ما كمل المصروف

يزورونبيته مثل ورد (ن) محيميني

مثل عد تيما اللي عليه الورد صفوف

شرابه قراح ومارد (ن) للقديميني

عسى الله يعينه كل ما زاره الملهوف

زبن به من الهوجاس ومقالب الديني

كسانا بعزه يوم ثوب الظهر مكشوف

وزبنا بظله يوم جونا المداييني

وفك السجين اللي من السيف جاه الخوف

ودفع من حلاله فوق عشرة ملاييني

عساها بميزانه نهار اللقا المعروف

حسانيه ترجح في جميع الموازيني

اليا من حداك الوقت والوقت فيه حفوف

تنص الشيوخ وخل عنك المهبيني

ترى الناس كل (ن) في زمانه عليه ظروف

والاجواد دايم مزبن (ن) للمقليني

أبا ارفع له البيضاء بياض (ن) وفيها النوف

وعليه السلام اعداد حج ملبيني