ودي اكتب وأقول بوصف سلمان
بس مدري وش ابدي في وصوفه
فيه الأفكار مركب دون ربان
لو تحاول تبي تلقى كلوفة
كل ما قمت اجمع بعد الألحان
القريحة تعذر بالنكوفة
قلت ابسعى بمقدوري على شان
شيخ نجد المسمى ومعروفه
سامي الذكر ميزة طلق الإيمان
بالمكارم ندت راحة كفوفه
مفصل الحق في زوغات الأذهان
صايب الراي لا يمكن يطوفه
ينشد فلان وعينه ترقب فلان
ويتسمع لمن يشكي ظروفه
قاد جل الصعايب قود الارسان
انثنت له مطيعه ومخفوفة
مصدر إحسان يتعب لأجل الإحسان
علها له بالإحسان مخلوفة
للدعاوي يرد، ورد فهمان
البلاغة لسلمان معسوفة
عند بابه نشاما نجد طوفان
ما قفل باب بيته عن ضيوفه
فهد المنيخر
