مرثية في الشيخ سعود بن محمد بن عواد الصخابره الدوسري...

والأخ العزيز حبيان بن حبيان بن سليم الصخابره الدوسري اللذين لقيا حتفهما إثر حادث مروري مروع .. رحمهما الله واسكنهما فسيح جناته:

جاني خبر والنوم من ناظري طار

والقلب يوم اوحاه جاله ونيني

قالوا توفوا من لهم طيب الاذكار

اللي لهم حشمه وقدر ثميني

سعود بن عواد من نسل الاخيار

شيخ رقا بالطيب قول يقيني

مرحوم يا شيخ تربى على الكار

مستوفي بالطيب طول السنيني

ومرحوم يا حبيان لك رمز وشعار

بالطيب والخوه وذكر حسيني

سمح نباك وفيك تستر الانظار

بافعالك اللي ذكرها دوم زيني

يالله عساكم وسط جنات وانهـار

آمين يالمعبود وارفع يديني

والموت حق وما عن الموت معذار

كل وله يوم ولو بعد حيني

والدايم المعبود علام الاسرار

اللي نصليله وله طايعيني