(أمسية) ونص بهي آخر:
يضيق الكون من حولي إذا شفت الحزن يغشاك
وهمك ليلة البارح يكفي ماخذك عني
وش اللي زعلك عمري عساني فدوةٍ لرضاك
وش اللي كدر الخاطر عسى ماهو خطا مني
تركت القلب في حيره عجزت افهم سبب مسراك
سرحت بهاجس افكاري سهام الشك تطعني
تموت الفرحه في عيني إذا طريت لي فرقاك
لأني فبعدك اتألم وحزن الكون يسكني
نزفت الجرح لعيونك ودمعٍ غاليٍ يفداك
ولبست من الحزن ثوبٍ نقشت بداخله فني
حبيبي بهجة ايامي تعال ومد لي يمناك
وثقت فحبك الغالي وأبد ماخاب بك ظني
أناجي بالغلا روحك وصوتٍ من وله ناداك
أبسمع أصدق احساسٍ عشقته من صغر سني
جواهر الرصيص
