لا عاد يوم فيه فقدت مشعان

يوم قريت اسمه ابوسط.. الجريده

فقدان لكنه ما هوب أي فقدان

صدمة وصارت بالحنايا.. شديده

من غيبته عمت بالاجواء الاحزان

من صارت الفرقا ابعيني اكيده

يعني ما اشوفه لو تداركت.. الازمان

حتى لو انزف دمعتي.. ما تعيده

قبل امس عندي ما نوى لي ابهجران

واليوم قفى والمسافة.. ابعيده

وشلون ما ابكي لا تذكرت مشعان

والناس تبكي يوم قالوا.. فقيده

تبكي عليه رجال وتبكيه نسوان

وتبكي عليه أخته ويبكي.. عضيده

وتبكيه أمٍ جفنها دوم سهران

وابو لجل يبقى بذله رصيده

يا كثر من يبكيه يوم الزمن شان

ما كانت الأنفس بفقده سعيده

اصغير لكن حط له بالحشا شان

كانت اطبوعه كلبوها فريده

حتى وهو في عز الايام.. تعبان

ما قال آه ولا شكى وش يكيده

لا قلت كيف الحال ما قال عمسان

ولا قال نفسي يا سحايب زهيده

يضحك وانا اشوفه يجامل ومرضان

وادري اجروحه لو يجامل عنيده

يا ويل حالي كيف تنساه الأعيان

وشلون بصير والليالي عنيده

احاول انسى بس ذكراه نيران

تشب في صدري ودمعي تزيده

ما عاد في يديني اعيده الماكان

خذاه ربٍ يرتجونه.. عبيده

يا الله الهمني ابصبر وسلوان

يا واحد قادر على ما تريده

واجعله ابخير وفي نعيمك والاحسان

اللي قريت اسمه ابوسط الجريده