يوم العذارى باجمل الصوت غنن
نسيت همي واستمعت الغناوي
يا حلو دق طبولهن يوم شالن
والطار صوته في دجى الليل داوي
ما منهن اللي بآخر البيت تلحن
من يوم شالن والقصيد متساوي
كلن تقول لنفسها صوتي احسن
أنا اشهد ان اللي هوى الفن غاوي
شالن ومالن واستهاضن وطربن
وقبل الطرب باعن رهيف الغطاوي
تقودهن سمرا غنوج تفنن
حفظت قصيد ما حفظه الخلاوي
الطار في يدها خطير يتجنن
يبكي على الفكة ولا هو بقاوي
وعلى يمينه كامل الزين والدن
غرو لحزات الطرب صار هاوي
هي منوتي واللي لها خاطري عن
عمهوجة عوده من الزين راوي
في حسنها تخلف وتتلف وتفتن
الماسةٍ تزهى بثوب سماوي
قالت حداهن شوفن الفجر بيّن
قالن يلوم اللي بطبعه هواوي
الجو طاوعهن على ما تمنن
ليلة ربيع ما تجي بالمناوي
مثل الخشوف اشكالهن يوم صفن
حول الغدير وفوقهن بدر ضاوي
كل العذارى ملح لامن تجلن
ومن يجرحنه مالجرحه مداوي
هن راعيات الكيف والذوق والفن
وهن سبة جروح الوحيد الشقاوي
أحمد عبدالله الجريفاني
