العمر ينقص والليالي سريعه
والوقت ماهو للمخاليق دايم
والعبد لو هو عاش باحلا ربيعه
لابد مايفنى ويصبح رمايم
يالله بعفوك ياعظيمن نطيعه
رحماك يامجري هبوب النسايم
لا قالو ان النفس عندك وديعه
لطفك وتدري بالذنوب الجسايم
عشنا وشفنا بالزمن والطليعه
عجايب الدنيا تزيد العظايم
احدن يجي ذكره براس الرفيعه
واحدن ماهو لمنهج الطيب رايم
واللي بذل جهده بمايستطيعه
وبطاعة المعبود والخير قايم
يكسب رضى ربه ويحسن صنيعه
ويعيش ما لحقه من الغير لايم
