يوم الوطن له داخل الروح نبراس

وأهل الوطن كلٍ يبارك لجاره

تعمنا الفرحة وترسم لنا حساس

مشرق ومبعد عن صنوف المراره

ارض السعودية بها نرفع الراس

ارضٍ حوَت نبع الشرف والطهاره

تاريخها مبني ومثبت على ساس

ومن عاش فيها شاف عز وقاره

فيها بيوت الله تخدم بلاقياس

واللي يعاديها يلاقي دماره

بعث لها حرٍ على قب الأفراس

وبدا يوحدها بعزم وجداره

بسياسةٍ حكيمة ٍ تذهل الناس

الله وهبه فنونها والمهاره

داس الخطر من دون جندي وحراس

حتى خضع له من براسه نعاره

ابن الملوك اللي بهم قوة الباس

عبد العزيز اللي وفا في قراره

يرحمك يلي ماحسب قطع الأنفاس

من دون داره ماحسب للخساره

واليوم نطرب كل ماهب نسناس

في عهد ابو متعب زعيم الصداره

تعيش في داره ملايين الأجناس

وساد الامن بالمملكة والحضاره

يارب تحفظنا من شرور الانجاس

وتعز ابو متعب وتحمي دياره

- الشاعرة/ سحايب العازمي