يا مرحبا ترحيبة عقاب يا نوت
والحي يلحق لو تحده ظروفه
صوتك يكفيني عن الشرب والقوت
وشوفك غناتي والحياة مخلوفة
رجل تنادينه ولا يسمع الصوت
خسارة سمعه وصوته وشوفه
ضيدان بن قضعان
حمامة ندي الصوت والريش هو والطوق
حلال عليك وبندقي مالها كيله
أبا أعطيك قلبٍ عذبه بالنهار الشوق
وأبا أعطيك عينٍ بالشهر نومها ليله
وأمانة تودين الأمانة هاك المخلوق
وتقولين ماله لو بغى الوصل من حيله
مغير يتصبر ويتذكر عساه يروق
على الرجم يزعج مع هبوبه مراسيله
صالح السبيل
يا صاحبي صاح بي صوت بسمعي قديم
البارحة يوم كل نومه ارتاح به
صوتن كأنه بكا الطفل الغرير اليتيم
وألا نحيب أمه المفجوعه الناحبة
تضمه لصدرها ثم تذكر أنه فطيم
ثم ترجع تبعده وعيونها شاحبة
صوت عديم الشبه ماهوب شبه العديم
يقول: من كان مثلك صاحبه صاح به
رشيد الدهام
