مانيب بالمجلس طفوق وهذار

ولانيب من ياخذ كثير اللغى طور

من لا نشدني ما سمع مني اخبار

وليا نشدني راح راغب ومسرور

عندي وعند الناس في كل محضار

السالفة بين الرجاجيل بالدور

مرشد البذال

***

ترى الولد ما يظهره غير يمناه

عزم وجزم وتصير كبده متينة

يا وفّقه جزل العطايا ومشاه

نال العلا في همته من يمينه

والصدق بين الناس ماله ملاداه

ويكمّل الرجال لا طاب دينه

تشوف كل اللي حواليه تدراه

حشمة وتقديرٍ وربه يعينه

سالم بن تويم

***

المرجلة بيره بعيد المجاذيب

على بعض ناس ٍ عسير ٍ متله

حشته ونشته يا نحاز الاجانيب

حيثك مثل حر ٍ ضرب له حبلّه

حشته بعدواتٍ بروس المراقيب

لا غبت يا حمض الكبود المغله

ياطير شلوى ما لقي بك عذاريب

لو تستحي ما تجمع الطيب كله

دغيم الظلماوي