ياجر قلبي جرة الجمس بثنين
لاجره الي ماحسب للكلايف
عايش به الدنيا على الزين والشين
رزقه على الله مادخل فالوظايف
على حبيبٍ شوفته تجرح العين
وتسر صدر الي به الهم طايف
سيد الحلا كله وسيد المزايين
لا والله الا سيد كل الولايف
الي بعد سلكه دروب المقفين
انا اشهد اني صرت للحب عايف
نقض جروحي لين ذقت الامرين
مع الهموم الكائده والحسايف
ما غير اجر الصوت ياليل ياعين
ودموع عيني تحت عيني ذرايف
واقول هذا دوم طبع المحبين
واواسي ادموعي بكلمة خفايف
وانه بيرجع لي لو انه بعد حين
راع الدلع كله وزين الوصايف
والظاهر ان الوضع ماعاد به زين
ما دامها وصلت لحد الحسايف
الشاعر - نياف العضياني
