صورك ربي وابدع هالجمال

كنّ بالدنيا ولا بعدك جميل

كامل بزينك وفي وصفك خيال

لا تلوم القلب لو صوبك يميل

يا أرق انسان يا كلّ الدلال

الهوى والعطف من بحرك يسيل

الهوى يحيا بشوفك والوصال

والهوى بعدك ترى ليله طويل

السما ظلمه بلا بدر وهلال

يا ضيا هالليل يا الرمش الظليل

ابتعد عنك،,, ترى اكبر محال

كيف اببعد،، يا دوى جرح العليل

لا تلوم القلب ما فيه احتمال

يطمع بوصلك ولو حتى قليل

باقي ٍ فالعهد لو هالبعد طال

كيف اخونك يا حبيبي مستحيل

الخيانه ما هي بطبع الرجال

الخيانه ما هي بطبع الاصيل

الوفا عاده وهي لي راس مال

واللقا احساس ما يخدم بخيل