البارحة مر الحسد بي مرتين

لو كان ماني لا حسود ولا زَمل

الاوله حسدت كل النايمين

والثانية حسدت راعين الامل

وااقلبي اللي كن بنت المارتين

مرّت عليه ونزّلت وسطه نمل

تعدّته مع سيرة المستعجلين

اضعون تفرق به وتجمع به شمل

في مهجته ما خلّت الا حاجتين

هم الضمير ورسم منطقة العمل

أوّاه ياهكالليالي والسنين

يوم ان حاد الزمل يرعاله زمل

قدام لا تطلع وسوم التاليين

اللي على مرعيّها مثل الهمل

كم دلةٍ سيْقت واهلها صافطين

تركتها لو ان شفّي ما كمل

يا زبن والله ما يعز الطيبين

الا الجمل شقران مذخور الجمل

اللي ليا زادت حمول اهل القطين

يشيلها ماكن في ظهره حمل

اشوف لاهل الشعر كم حصنٍ حصين

يبنا لو الدعوى تراكيب وجمل

وانا مااقول اني خيار المبدعين

لكن اقول اللي بملكي محتمل