حالة

اليا حدتني بعض الاشيا على الضيق

ازعّل الصاحب وانا اعرف قدره

يغيب فكري وآخذ شوي وآفيق

واقول يا هني الشمالي بصدره

***

تجاوز

ياصاحبي لا تعاتبني على الزلة

خلك على ما انت والدنيا بمجراها

العام يوم ان وجهك يمنا كله

كم زلةٍ من بعضنا ما حسبناها

***

تصبّر

يا عيني على فرقا المواليف لا تبكين

ما هم باول اللي فارقونا بلارجعة

وانا والله اني داري ان المفارق شين

ولا اخس منه الا الطواري على الهجعة

***

حظوظ

كل ما ذعذعت من شرق نسمة هبوب

قمت اعرض لها صدري واقول ارحبي

الهوى شرق والعاشق يدل الدروب

مير ماجت له الدنيا على مايبي