تدري وش أقسى من شعوري في الغياب
لا حبّني إنسان قلبه في يديه
يوقف ويطرق في ضلوعي ألف باب
يبيه عقلي بس قلبي ما يبيه
حالي كذا بعدك: معاناة.. اضطراب
كوارثك تعصف بصدري ألف: ليه؟؟
ليه الهجر؟ ليه الصبر؟ ليه العذاب
توسّمت (ليهاتي) بكل الوجيه
مَـ أسهل سؤالي.. بس يا صعب الجواب
كل ما شحذت الظن.. خاب الظنّ فيه
تعبت يا راحل وأنا أمشي لك شباب
وآخر حدَث عشناه: تلويحة سفيه!!
اخذتني في رحلة غيابك: زهاب
وتركتي: غربة وتنهيدة وتيه!!
دامك خذيت اللي جمَد منّك وذاب
يا ليت بعد إذنك: تطمّني عليه!!
