فمان اللهَ والارواح منهيه وماموره

فمان اللهَ يااغلا منَ سكن قلبي ووجداني

فمان اللهَ ياحب بقلبي طالت شبوره

فمان اللهَ ياحب برى حالي وعناني

أنا مدرَي وش اللَي صار لكن للزمن دوره

ولاادري منَهو المجني عليه ومنهو الجناني

احسب الحال مستوره لكن ماهيب مستوره

الا يالله لاتجعل بي شماته عند عدواني

احبس الدمع والعبرات بالشيمات محصوره

وانا فيَ مملكة صدري منَ الاوجاع نيراني

ونار الحب حتى لو طفت ياتي لها ثوره

وعواقبها وخيمه ياعسا ربي لايــبلاني

الا ياليت قبل اجهل واخوض الحب وبحوره

تجنّبته وعذت بخالقي منَ كلَ شيطاني

دروب البعد مقدوره لا والله كيف مقدوره

وانا وشلون ابنسا الليَ فبدعي ماتناساني

لو ان الوقت يحرمني شذاه ونفحة زهوره

يكفيني شذا عطره بثوبي يوم لاقاني

حفظت الثوب منَ حبه ووقتي لو كثر جوره

ماينسيني غلاه اللَي بليل الود سراني

وخواطرنا لو انها منَ بعض فالبعد مكسوره

عليه بالحرام انه ليبقى سيد خلاني

ورود الحب منثوره وكن ماهيب منثوره

احبه لو تفارقنا ولا جيته ولا جاني

ولا اصعب منَ شقا الفرقا ودرب الصد وشروره

سوا قلوب على رغم الجفا للحب تنداني

وانا لامنَ تذكرته يفز القلب منَ سوره

ولا يرجعك ياقلبي مقولة عود منَ شاني

عذرتك مير صداتك علي ماهيب معذوره

عسى اللهَ يقطع الفرقا تهد طوال الايماني

فقدتك مثل صقارن غلب رايه على شوره

وكفخ طيره ولا عوّد وذاق الياس منَ داني

جداي اليا بدا ليلي سبحت الشعر وبحوره

وقعدت اجر طاروقي وادوّر عذب الالحاني

بعده الحال مأساوي وضيق الصدر دستوره

لو انه يبيع لي شوفه دفعت لغال الاثمــاني

وخالد يوم غناها ماهو من شان جمهوره

بعد ما ثارت هجوسه عليه بفكر واوزاني

لجل منَ حبها باقي ولا تتزحزح قصوره

ومنها يسد صحَ اللهَ لسان الشعر ولساني