لي عام وانا اطمح بتحرير قيدي

من لوعة الفرقا ومن فيض الاحساس

أصارع جروحي عساها تهيدي

لو ان مضربها مثل رمح جساس

العام هقواتي وعزمي رصيدي

واليوم من جور الزمن صابني ياس

افهق مشاريه البطى يا عضيدي

بااخذ معا فج الخلا كم مرواس

وين انت ياللي شوفتك يوم عيدي

عروق قلبي من عناء البعد يباس

والحزن يلقى له وطن في وريدي

لاهب لي من يمة الغرب نسناس

واليا دنى الليل وطربت لقصيدي

جاني من صدوف المقادير عساس

والناس تطلبني وتبغا جديدي

وانا استحي تقديم الاحزان للناس