ولا تقول إني القاري على كل داب

ماكل سيات الأرض بينقري دابها

زبن بن عمير -رحمه الله-

حي يوريك المذلة وتغليه

أنا اشهد انك ميت القلب عامي

من لا يودك لا توده وترجيه

ارفع مقامك ياعزيز المقامي

الأمير محمد السديري -رحمه الله-

تذكرت يوم اقبلت كنك تحسب خطاك

تمايل بعودٍ ناعم الطول روياني

وترفع طرف ملبوسك الضيق بيمناك

شلال شعرك تنثره فوق الامتاني

الأمير سعود بن بندر -رحمه الله-

سلمت وآثر السلام يكود بعض الناس رده

الله ولا الانفس المرضى على أجسام سليمه

محمد بن زبن بن عمير -رحمه الله-

من كثر ماجربت واقبلت واقفيت

قولة هلا لمن لا يودك مهونه

بندر بن سرور -رحمه الله-

عزي لحالك ياعزيز وانا ابوك

كان الزمان اللي وطاني توطاك

سليمان بن شريم -رحمه الله-

غديت مثل العود مشراه غالي

وغلاه لاجل يحرقونه على نار

محمد بن صقر السياري -رحمه الله-

إن كان تغليني غلا مثل ما اغليك

مجبور تاطا في الهوى ماوطيته

وإن كان جا مستقبلك مثل ماضيك

قلت آه ياخلاف سعيٍ سعيته

سعود بن محمد

مانيب اقول اتركوا ود العماهيج الغنادير

بس احفظ السر والا الود للعربان سنه

زبن بن عمير -رحمه الله-

ختاماً:

لمحمد الديري الثبيتي:

لا صار لا تاحي ولاني موده

عندي دهرها والربيع متساوي

لاغاب عني من عيوني توده

ما عندي احسن من قعودي خلاوي

عن هارج هرج ولاهوب قده

يحط له فنقوي ودعاوي

ماهوب زين اليا تكلمت ضده

والياسكت أرث بقلبي مكاوي

zabin11@hotmail.com
تويتر:@zabin2011