سامح وخلك شخص طيب وحبوب
ومن الحسد والبغض الاعمى تحرر
وتبسم وسامح ترى العمر محسوب
والعمر يا من راح ماينتكرر
- ناصر الذرفي الشمري
الرابح اللي على المسجد يحث الخطا
محظوظ دامه مع الشيبان صلى الفجر
والخاسر اللي على فراشه يجر الغطا
محروم من: راحة الدنيا وفضل الأجر
- همدان بن علي
الكنز كنز القناعة والغنى في القلوب
ماني بغابط هل الدنيا وعشاقها
والفقر ياصاحبي ماهو بفقر الجيوب
الفقر فقر العقـول وقلة اخلاقها
- عبد الله الطلحي
ياما سعينا ولى خابت مساعينا
قلنا من الوقت ودروسه تعلمنا
كم واحدٍ ياخذ اله أيام يدعينا
واليا عنينا وجيناله تندمنا؟؟
- صالح الناصر
