سورك العالي

لا تسأل الحال عن باكر وتسألني

ولا تنشد الشمس كم غابت على غالي

ولا تسأل الحزن كم من شفت يشبهني

ولا تنشد الناس من هو خاطره سالي

سألت قبلك كثير وشفت ما يثني

نشدت حتى اصطدمت بسورك العالي

شفت الليالي تفرق كل متهنّي

تأخذ عزيزٍ عليك وفيك ما تبالي

جفت محاجر دموع الناس وأحزنّي

طفلِ تموت أمه وتنشد عن الحالي

أشوف عينه تقول أرجوك تخذلني

الحزن ماهوب حذفي كل الأمالي

أهون هوانٍ تشوف الذل يمنعني

أقول كلمة حرام بوجه متعالي

- الشاعر/ رائد بن عبدالله العقيلي