النحاوي: كم مرقب في عالي الرجم أنطه

ردية جميلة بين الشاعر الكبير بندر بن سرور رحمه اللهوصديقه الشاعر سلطان النحاوي الرشيدي:

يقول بندر:

رسمت لي مع طلعت الشمس خطه

وبليل غيرنا تجاه الخريطه

أشيل بميزان الروابع و احطه

اللّه من بحر قطعنا محيطه

أنا الذي قاسيت راحه وشطه

وبحلت بايامي و اثرها بسيطه

ما يطلع القرناس من عش بطه

والجبو مايحيي النوامي شفيطه

لا صار من ربعك أقيشر ونطه

هز المحاله لين يفرد شريطه

تراه ماينفع عساها تلطه

خيال دجا مثل عنز الربيطة

***

وجاء الرد من خويه الشاعر سلطان الرشيدي (النحاوي) والذي كانت تربطه با ابن سرور علاقة وثيقة:

عزاه ياقلب بلا الروح عطه

ينقط على معلوق قلبي نقيطه

من فعلها الأيام شيله وحطه

أصرف و اجمع والليالي محيطه

كم مرقب في عالي الرجم أنطه

لكن على المحوال عسر هبيطه

كم خايع خال خلاوي يعطه

من فوق فرت يوم تسمع شفيطه

نوب ورى ثمود ونوب بقطه

ونوب ورى نزوا ونوب بشبيطه

صبرك على نفسك بدار أقشطه

أخير من شوف الوجيه البليطه