شماعة الروتين

هاض القصيد وهيضه ضيقة البال

وكتبت من فيض المشاعر قصيده

قصيدةٍ تشكي على واقع الحال

مدري تزيل الوضع والا تزيده

ما كل ما يطري على البال ينقال

الوضع مزري والمشاكل عديده

تعدد الاطباب والوضع لا زال

في كل يوماً مشكلتنا جديده

أهل المصالح حكمهم بالهواء مال

وأهل الذمم ما عاد منهم شريده

أمانةٍ يلعب بها كل محتال

كلن يسيرها على ما يريده

الصبر طال وطالب الحق ما طال

واللي سال ما حصل اللي يفيده

قرب البعيد و قربه خط جوال

والتقنيه عن مجتمعنا بعيده

من دونها نقص الفهم والفشل حال

اليا متى ياهل العقول البليده

ما عندكم يا كود تعقيد وإهمال

على المراجع ألسنتكم شديده

شماعة الروتين للكذب موال

اللي يناقشها ضعيف العقيده

ثقافةٍ تفرض على كل الأجيال

مضمونها التطوير عيت تجيده

الوضع عن واقعه تنبيك الأحوال

حقايقاً ما تنشر بالجريده

- سعد الشقحاء