ضحكة غلا وامزوح

أنا لي ثمان سنين اجامل وانا مجروح

اكن المودة داخل الصدر واكتمها

يجيني (بلا) صندوق قلبي يزوحه زوح

خطير معاليقي من القلب يصرمها

سبايب مودة جادلٍ ما بها مصلوح

تبهذلت منها ما به أحدٍ يعلمها

خذتني وجرتني بضحكة غلا وامزوح

تهايفت معها لين طحت بمراحمها

غرقت بغلاها مغرمٍ مثل غرقة نوح

ولا ادري عن ايام الغلا وش خواتمها

وانا مبتلا فيها ولا لي وراها شبوح

مفاتيح قلبي في يديها مسلمها

إليا قلت خفي حبك اللي تعدا الموح

تجيني بنغماتٍ على القلب ترسمها

تجيني باساليبٍ تزيد الجروح جروح

خذتني بضحك حجاجها مع تبسمها

تبسم ببيضٍ كنه اللولو المصحوح

هو الدر من بكرٍ سريعٍ ترزمها

عليها الحلا والملح كنك تكوحه كوح

حظيظ الفواد المسعد اللي يلايمها

هاك الغرة اللي مثل برقٍ لنوره ضوح

سنا مزنةٍ ترعد وتبرق مقادمها

- محمد الخس