من الراس للراس

يا شفت غيري هان تكدير بالي

رضيت بالمقسوم من كل الاشكال

كثر الحسايف مابها راس مالي

واللي من الله مالنا فيه مدخال

صبرٍ جميل الله يقود الرجا لي

بالصبر والغفران في يوم الاهوال

- مرشد البذال

المراجل ماتوفى بضافية الهدوم

كود بسيوفٍ يشوق النواظر حدّها

والردي لو درّس المرجله في كل يوم

المراجل عند اهلها يذعذع ندّها

يعتبر قسمه مثل قسم زاهية الرقوم

يوم تكحل رمشها والقرون تكدّها

- سلطان الهاجري

انا رغبتي وهوايتي شي يا مخلوق

هوى البر في غرب الديار ومشارقها

ليا جيت روضٍ فيه مختلفٍ الزملوق

نبانيب نبته ناعم الريح يطرقها

مساقيه نوٍ ممطرٍ به رعد وبروق

تهشم مزونه فالوطا لين يغرقها

عقب سيلة العشب يتعلاّ نباته فوق

تشوف الفياض من النبات وتضاوقها

- محمد الخس