الوله

ان كان ماجابك لي الشوق يدفعك

ولاجيتني ولهان من زايد الشوق

يقلعك يا حبٍ بلا وصل يقلعك

ما يحفظ حقوقٍ ولا يعطي حقوق

ولا تعال من الوله ودي أسمعك

واسمعك من خاطري كم طاروق

لاصرت تجهل موقعك وين موقعك

انت غلاتك عاليه بالسما فوق

ذبحت لي قلبي بكثرة تدلِّعك

دمّرت فيني كل شريان وعروق

احيان اشوفك في زعامة تواضعك

واحيان اشوفك نخلةٍ ما بها عذوق

ولّعتني ياللي تجاهل تولعك

احرقت قلبي والحشا منك محروق

قتلتني بسحرك ولا شي يمنعك

شفني معلّق رهن رمشك ومشنوق

نظرتك خلّت جلة الناس تتبعك

جنّنتهم مابين سابق ومسبوق

ودي اعيش العمر كله واطالعك

وأملا عيوني من محاسنك ياشوق

يقطعك حبٍ دمّر الروح يقطعك

لا صار يجهل روعة الحس والذوق

انت هنا في داخل القلب مرتعك

ولا غيرك من الناس حبيت مخلوق

- الشاعر/ متعب السميري