كل يوم يزيد من عمري... عمر
أحسبه وأقول يا وقتي ضياع
وكل لحظاتي بدونك لو تمر
ما اسميها سوى لحظة وداع
ذقت كآس المر... يا حزني ثمر
وانكويت وقلت من باب انخداع
قلبي الموجوع من ضيقه ضمر
وكل شريانه من أحزانه جياع
فأول الذكرى.. بدر.. تالي قمر
وفآخر الرحله تخلى يا شجاع
عمري اللي راح... كل ليله سمر
ما انتصف حتى على الخطوات باع
نشوة اللهفه مهي نشوة خمر
كذبةٍ لو صدقها عدى وذاع
وأنت يا اللي جاي بتغيب وتمر
لا تكثرها ترى برأسي صداع
الشاعرة: معربة الجدين - الكويت
